Vinduet nr. 1/2019 er i sal 28. mars!
I årets fyrste utgåve av Vinduet kan du mellom anna lese ei nyskriven reiseskildring frå Balkan signert Nils Henrik Smith, og om Carline Tromp si reise i fotefara til den nederlandske forfattaren Arnon Grunberg i Midtausten og Polen.
Også fleire av dei andre tekstane i dette nummeret har reisa som motiv, ikkje minst skriv Kåre Bulie om essayisten og reiseskildraren Tor Eystein Øverås, og Ole Robert Sunde skriv om sitt vintereksil på Svalbard.
Av andre, meir kortreiste bidrag kan Ida Jackson sin brannfakkel av ein tekst om stoda til den norske ungdomslitteraturen nemnast. Når det vert utgitt så mange vaksenbøker som strengt tatt kunne vore ungdomsromanar, og når det finst så mange ungdomsromanar som hadde fleire lesarar og meir kritisk merksemd, er det på tide å bryte ned skiljet mellom «ung» og «vaksen» i bokhylla, slår Jackson fast.
Dessutan skriv Hedda Lingaas Fossum om diktinga til den nyleg avdøde og høgt verdsette poeten Mary Oliver, Anemari Neple om Tor Ulven sitt forhold til Vinduet på 1970-talet og Kim Klev om tekstforfattaren Kate Bush. Og ja: Jonas Gahr Støre spør norske forfattarar om det neste kapittelet i forteljinga om Noreg.
Og meir til!
Fullstendig innhaldsoversikt:
Reiseskildring
Nils Henrik Smith i det tidlegare Jugoslavia
Intervju
Jason Lutes i samtale med Erle Marie Sørheim
Essay
«I Longyearbyen» av Ole Robert Sunde
Bilete
Marius Moldvær
Essay
Kåre Bulie om essayisten og reiseskildraren Tor Eystein Øverås
Reportasje
Carline Tromp i fotefara til Arnon Grunberg
Bokessay
Merete Røsvik om Løperne av Olga Tokarczuk
Dikt
Utdrag frå «Fyrhusdagboka» av Laurence O’Dwyer
Essay
Hedda Lingaas Fossum om Mary Oliver si dikting
Essay
Ida Jackson om ein norsk ungdomslitteratur i spagat
Essay
Anemari Neple om Tor Ulven og Vinduet
Enquete
«Kva er neste kapittel i forteljinga om Noreg?»
Bokessay
Kim Klev om tekstforfattaren Kate Bush
Meldingar
Elise Winterthun om Sara Stridsberg
Jenny Moi Vindegg om Johanna Frid
Ingrid Flogfeldt Brubaker om Brynjulf Jung Tjønn
Hans Petter Blad og Victor B. Chakravarty om Mikkel Thykier
Jubileet
Daniel Defoes Robinson Crusoe
Framsidebilete: Marius Moldvær, «The Construction of Christopher McCandless».